Umzugsfotos: Ronny Wittenwiler 

 SCHNITZELBÄNKE 

Znünihöcker 2022
In Wallbach chönne si jetzt de
Hochwasserschutz boue
Mir drei finde das Schad, ganz im Vertroue
Für eus sind die doch erscht en Gwinn
Wenn si underem Wasser sin 

Und boue sen it, machts au nüt hämmer gfunde
No versuffe si halt in Rhyfälde unde 

Am erschte erschte ischs passiert Dr Böni isch als Amme pensioniert

Sit dem isch jetzt sie Läbe nur no heiter
Er cha id Ferie mitem Eiermaa als Reiseleiter

Und in 20zig Joohr, chasch sicher si
Zieht dr Böni mitem Eiermaa im Altersheim i

Dr Gerometta und dr Metzger, die zwe Schlingel
Sind die neue Stars, im Gmeirots Himmel
Zwe für Meli, stoht uffem Plakat, ä riese Gschrei
Mir froge eus, was mache den die andere Drei 

Die andere Drei, s’isch it zum Lache
Säge dene zwe, was sie müend mache

Fridolin
Dr Gemiroot suecht es Abschieds-
gschänk, orignell und glunge,
me evaluiert und s Resultat –
dr Sprütze-Hüsli-Brunne.
D Idee derzue chunt vo Rübr’g,
Fredy! Für mi hesch gunne!
Z’Rübr’g wüsse mir scho lang, s
brucht jede Narr sie Brunne.

S’rägnet, rägnet, s‘rägnet, rägnet,
s‘rägent dr ganz Summer,
dr Räge bringt am Bielersee –
grosse, grosse Chummer,
wägem volle Bielersee, überlauft
dr Neueburger mehrfach,
und s‘Fass zum überlaufe bringt,
dr Eiermaa im Stadelbach. 

Nächscht’s Joohr git’s –
e mega Fasnacht, covidfrei! –
it Grund,
d Fasnachzunft wird 100-jährig,
denn lauft’s z’Rübr’g rund.
Eigentlich miesst me dajoohr fiere,
DAS Ereignis vom Johrhundert,
will mir Zünftler z‘Rübr’g unde,
sind alli it ganz hundert. 

D’Ryberger Moral-Tante
Freiheitsglocken
Mir ghöre es Glöckli, e Glöckli so fyn,
es lütet vo Lüte wo hüchle zum Schyn.
Gebed die Glocke doch zrugg euerer Chueh
Blybed frei und gsund, aber gend endlich Rueh. 

Sicherheitserhöhung
Ab in d’Beiz ein go schnappe denn
ufs Velo und denn hei
Direkt uf em Strössli em Sunnepark
noch fahrt er ganz allei
Denne knallts, und krachts –
er liegt am Bude unde,
Im Pfoste isch zum Glück nüt passiert –
nur s Zoggeli hät er nüm gfunde