Fridolin
S’tschuttet dr Rakitic, sensationell – im WM Final
Dr Matthias Kyburz, günt dr Wältcöp, s isch phänomenal.
Beidi gälte als Wältklass – sit sie sind erwachse,
logisch denn – beidi sind, z Rübr’g unde uf g‘wachse

Rätsch-Fliege
D Rössli-Überbouig isch schön und modärn, das isch nid glooge
I dr alte und sanierte Migros isch s Cafe Maier izoge
Das ganzi Quartier duet sich jo ganz gewaltig entfalte
Und die iklämmti, lotterig Rössli-Schür, tuet no s Dorfbild erhalte

Schüfeli und Wüscherli
De Vandalismus in Möhli macht mir sorge ich cha das nit verstoh
Wie chame nur mit Gnuss und fremds Eigentum verschlo
Mäldet euch ihr Vandale es git e Husmittel das hilft bestimmt
Und das heisst ganz eifach … rechte Chlapf a Grind

Die Zuezoogne
Grüezi, Danke, danke, danke – dörfs no öppis si
D Dankerei isch scho chli närvig gsi
Danke Danke a de neui Beck, e grosse Dank
Dank dir ligge d Närve nümm so blank

Moraltante S’Chäppeli z’Ryberg fyrt hür genau – dreimol hundert Johr,
Leider isch die Bausubstanz vom Gotteshus in Gfohr.
Zum Renoviere suecht de Pfarrer jetz no Geld für de heilig Platz
Zum Glück findet de Böggeri bym Estrich rume, de verscholleni Münsterschatz